Аскепкі

Аскепкі – сайт-спецыфічная інсталяцыя, якая была створаная ў галерэі Сталоўка XYZ у Мінску і зьвярталася да тэмы пераменаў у статусах прамысловых памяшканьняў і ператварэньня іх у прасторы для культурніцкай дзейнасьці. У працы спалучаецца рэфлексія на развіцьцё крэатыўнай эканомікі з адкрыцьцём на прамысловых плошчах новых установаў культуры і асабістая гісторыя аўтара, зьвязаная непасрэдна з месцам для якога створаная інсталяцыя, былой сталовай завода Калібр. Зварот да ўласнай памяці перакрыжоўваецца з алегорыямі эканамічнай і палітычныай сітуацыі ў краіне, дзе многія прамысловыя прадпрыемствы, якія збольшага знаходзяцца ў дзяржаўнай уласнасьці, ня ў стане мадэрнізаваць сваю вытворчасьць і вытрымліваць канкурэнцыю з замежнымі кампаніямі. Гэта вядзе да вымушаных мераў, арэнды, пры якіх новыя культурніцкія прасторы бачацца своеасаблівым дыягназам, сьведчаньнем эканамічнага заняпаду.

 

Інсталяцыя Аскепкі зьяўляецца чацьвертай і апошняй працай Крышталёвай сэрыі.