Крэпасць Еўропа. Усходні бастыён

Праект “Крэпасць Еўропа. Усході бастыён” аб’яднаў ў сабе мастацкія і актывісцкія практыкі і стаўся вынікам калабарацыі паміж групай мастакоў і куратараў, а таксама праваабаронцамі “Human Constanta”. Сэрыя партрэтаў Аляксандра Васюковіча паказвае бежанцаў з Чачні і іхны брэсцкі побыт, чаканне патрэбнага цягніка, якое зацягнулася, жыццё на здымнай кватэры ці на вакзале. Відэа Максіма Сарычава на сінтэззе актывізму і відэарту па сутнасці з’явілася дакументацыяй валантэрскай актыўнасці. Аляксей Талстоў прааналізаваў выказванні польскіх афіцыйных асобаў, бежанцаў і праваабаронцаў і стварыў на іх аснове самастойную тэкставую працу. На выставе было прадстаўленае відэа «Волга» Аслана Гайсумава, у цэнтры якога ўласныя ўспаміны аўтара. Яшчэ адным экспанатам стала праца Марыны Напрушкінай з праекту “Бібліятэка ўцекача”, адзін з серыі сшыткаў з ілюстрацыямі судовых працэсаў па заявах на атрыманне прытулку ў Нямеччыне.

 

Куратары: Ілона Дзяргач, Аляксей Талстоў